Շարվածքը՝ 12,5X7 սմ:

Նկարները` [Ա. Պատրիկի]: Շապկի դարձերեսին` Վարդան Մամիկոնյանի նկարը, «Կարմիր Վարդան» պատկերազարդ գրքույկի գովազդը և սեղմ բովանդակությունը: Բնագրի վերջում և շապկի վրա` Սուրէն Բաբախեանի` «Հայաստանի լեռներու աւանդութիւնները» գրքույկի շապկի նկարը /[Նկարիչ` Ա. Պատրիկ]:

Շապկի վրա և տիտղոսաթերթին` «Պատմուածքներ Տոլստոյէ»: Շապկի վերջերեսին` Սահակ-Մեսրոպ տպագրատան հրատարակությունների ցանկը և հիշեցումը` «Ամէն շաբաթ նոր գրքոյկ մը»: Տիտղոսաթերթը և շապիկը՝ զարդափակ: Տպագրության թվականի տվյալը վերցված է շապկի վերջերեսից` «Սահակ-Մեսրոպ» տպագրատան հրատարակությունների գրացուցակի թիվ երրորդ հրատարակության «Նեղոսի զոհը» նորավեպի` 1930 թ. լավագույն գրական մրցման դասված լինելու փաստից («Պատանիին գրադարանը» մատենաշարի հատորյակները տպագրվել են «Նեղոսի զոհը» և «Հայաստանին լեռներուն աւանդութիւնները» գործերից հետո, ամեն շաբաթ 1 գրքույկ պարբերականությամբ, ամիսը 4 գրքույկ): Տպագրության թվականի տվյալը վերցված է նաև «Յուսաբեր»-ի` 1931 թ. թիվ 132-ից` Հ. Ամիրյանի հոդված-գրախոսականից` «Տպաւորութիւններ և խորհրդածութիւններ «Սահակ-Մեսրոպ» տպ.-ի «Պատանիին գրադարանը» մատենաշարի հրատարակության ձեռնարկման և նպատակների շուրջ. «Սահակ-Մեսրոպ» տպ.-ը «Պ. Գ.» անունով մատենաշար մը հաստատած է ամիսներէ ի վեր և ցարդ իրարու ետևէ ինը փոքրիկ գրքոյկներ (պրոշիւր) հրատարակեց...»»: Նույն թվի 133-րդ համարում տեղեկացվում է, որ լույս է տեսել «Պ. Գ.» հատոր 9-ը` «Սմայկ»: Նույն (1931 թ.) դեկտեմբերի 22-ի համարում տեղեկացվում է, որ ավարտվել է «Պ. Գ.»-ի Ա.-Բ. շարքերի 1-24 հատորյակներից վերջինի հրատարակությունը առանց կազմի [«Սասման ծռեր»]: Նույն թերթի 1932 թ. համարներում պարբերաբար հայտարարվում է Գ. և Դ. շարքերի հրատարակությունների մասին:

Շապիկը` նկարազարդ` «Հայրենագիտութիւն» խորագրով (կենսագրութիւն, պատմութիւն, ճամբորդութիւն, դիցաբանութիւն, երաժշտութիւն և թատերգութիւն, աստուածաբանութիւն, փիլիսոփայութիւն, հրապարակախօսութիւն, վիպագրութիւն, գիտութիւն):

ՀԱԳ:

Գիրքը թվայնացվել է Հայաստանի ազգային գրադարանում:

Արևմտահայերեն: